STEAM - Kanpoko jarduerak

 

EOLOS SMART FACTORY

Mar 28, 2025

STEAM proiektuaren barruan 4.DBHko ikasle batzuk Deustuko Unibertsitateko Ingeniaritza Fakultateak antolatutako EOLOS SMART FACTORY tailerrean parte hartu dute.
Energia berriztagarrien garapena sustatzen duen adimendun fabrika batean zeudela simulatu dute. Fabrika honek prozesu guztiak digitalizatuta ditu, datuak prozesatzeko teknologiak, adimendun softwarea eta sentsoreak integratuta dituelarik. Ingurune aurreratu honetan, ikasleek erronkei aurre egin diete, Smart Rover baten konfigurazioan erabakiak hartzeko aukera izan dutelarik.
Ikasleek teknologia aurreratuarekin esperimentatzeko eta ingeniaritza gaitasunak garatzeko aukera paregabea izan dute.

 

 

ZIENTZIA TAILERRA DBH3

Ekainak 3

 

Aiete ikastolako LH5. mailako ikasleak etorri ziren gure DBH3ko zientzia tailerreko ikasleek prestatutako zientzia erakustaldia ikustera. Laborategia bisitatzeko aukera izan zuten eta ondoren 4 praktika egin zituzten: fardelen barruko polimeroarekin elur faltsua, maizena eta urarekin fluido ez-newtondarra, elefante pasta eta kolorez aldatzen den ura.  

 Mila esker guztioi parte hartzeagatik!