Trotula Salernokoa

Trota Salernokoa (batzuetan Trokta ahoskatua) edo Trotula Salernokoa XII. mendearen erdialdean Salernon bizi izan zen mediku eta medikuntzari buruzko idazlea izan zen. Bere fama handia izan zen XII eta XIII. mendeko Frantzia eta Ingalaterran. Hainbat terapien inguruan idatzi zuen latinez, tartean berak egindako sendaketa bat. Bere testuak emakumeen medikuntzari buruzko Trotula izeneko liburu tratatu handiago batean bildu ziren.

Uste denez Salernoko Eskola Medikoko irakasle izan zen, historian elizari lotu gabeko lehen medikuntza-zentroa eta, ikerlari batzuen ustez, Europako lehen unibertsitatea. Emakumeak irakasle zein ikasle gisa onartzen zituen lehen medikuntza eskola izan zen. Bere liburuetan emakumeen arazoei buruz hitz egin zuen, menstruazioa eta erditzea tarteko. Erditzeko minen aurka opiazeoak ematearen alde idatzi zuen, garaian debekatutako praktika. Antzutasuna emakume zien gizonen arazoei zor zitekeela zioen, garaian emakumeen arazoa baino ez zela uste zen bitartean. 

Eta hemen, bideo bat duzue non Trotula Salernokoaren bizitza azaltzen den ipuin moduan.