Hipatia - Dentsimetroa

LIKIDOEN DENTSITATEAK NEURTZEN

Dentsimetroa

Likidoen dentsitatea neurtzeko tresna da. Beiraz egina egoten da gehienetan, eta itxura zilindrikoa du.

Zilindroaren behe aldean erraboila pisutsua dauka, zuzen flotatzeko. Dentsimetroa bertikalki sartzen da likidoan, zuzen eta libre flotatzen duen arte. Hori gertatzen denean, graduazioari begiratu eta likidoaren dentsitatea jakingo dugu.

Hipatia (370-415) Alexandrian (Egipto) jaiotako emakumezko astronomoa, matematikaria, filosofoa, asmatzailea eta irakaslea izan zen.

 

Ur destilatua lortzeko tresna bat asmatu zuen, uraren maila neurtzeko aparatua eta likidoen dentsitatea zehazteko beste bat (dentsimetroa). Izarren, planeten eta Eguzkiaren posizioak neurtzeko, astrolabioa eta esfera laua sortu zituen.

PRAKTIKA

Laborategian produktu hauek ditugu: esnea, ur gazia eta alkohola. Produktu horien kalitatea bermatzeko, dentsitatea zehatz-mehatz neurtu behar da, eta, horretarako, dentsimetroak erabiliko ditugu. Dentsimetroen ezaugarriak eskuartean dituzu eta hori egokia den ala ez adierazi beharko duzu.

a) Kalkulatu substantzia bakoitzeko dentsitatea masa eta bolumena neurtuz

b) Zein da substantzia bakoitzari dagokion dentsimetroa?

c) Enpresa batek esan digu hurrengo likidoen dentsitateak kalkulatzeko gure laborategian. Zein izango litzateke egokia kasu bakoitzean? Dentsimetroren bat erosi beharko genuke?